السلام عليكم الحادكات

هاد الوصفة هي لمنال العالم

جربتها هادي تقريبا اربع سنوات و اعتمدتها

لكن ضفت ليها منكهات فاصبحت الوصفة بغاشة بنكهة مغربية مية بالمية و كنتمنى تعجبكم

لانها سهلة كتوجد فالحين و كتغنيني على الشباكية نهار الي كنحتاجها و مكنلقاهاش و فنفس الوقت تغيير و منظر و كتنفع للعراضات
كتحطي شهوة غزاالة و جديدة

تفضلوا







كتحتاجو
رابعة الفورص
2بيضات
قيصة ملح
رشيشة قرفة
معلقة لوز مطحون
2معالق زنجلان مطحون
معلقة صغيرة نافع مطحون
معلقة كبيرة زبدة
معلقة زهر و قطرات من الخل
كنخلطو كلشي مزيان و نعجنوا العجينة مزيان 5د
و نعملوها فالبلاستيك الغدائي
و نخليوها ترتاح نصف ساعة

نطلقوها بالمدلك
و ندوزوها فماكينة السباكيتي رقم3
و بعد ندوزها فبلاصة السباكيتي الاولى ماشي الرقيقة

كناخد زوج شرائط
و نثبت اول اطرافهوم
و نحاول نلويوها على نفسها باش نحصل على وردة
و نثت اخر طرف و نعملوا وسط دوائر الشرائط باش متحلش
نقليها و نطفيها فالعسل



صورة للتوضيح اكثر


ونقدموها فوريقات مدلان مفتوحين و نزوقوها بلوز مقلي و مهرمش و بصحتكوم و راحتكوم

ايوا كيف جاتكوم ساااهلة و غزالة و منظر راائع

لمشاهدة المزيد من الوصفات السهلة اضغطي هنااا