السلام عليكم

هاد الطريقة كنعتمدها بزاف فالمسمن،باش كيبقا متواجد عندي واحد المدة معينة،

 من دون مانحتاج نعجنو كل نهار،لأنه تيعجبنا ناكلوه على الفطور غالبا وبالأخص مول الدار،

وهاد الطريقة اللي غادي نوريكم انشاء كتخليه يجي بحال ايلا طيبتيه النهار بنهارو، واخا كان فالمجمد،إليكن  مقادير وطريقتي الخاصة.
بالنسبة للعجين



كمية من الدقيق والسميد رقيق مخلطين -على الحساب لقياس اللي بغيتي تعجني-
ملح
قبصة خميرة الحلوى
طريف زبدة

شوية الخميرة الدار

كنعجن العجين ديالي وتندلكها مزيان،كيخصها تكون خفيفة
والباقي هاهو بالصور اللي كتشرح راسها

كانحتاج زيت مخلط مع شوية خميرة لحلوى للتوراق

والسميد الرقيق

هنا منطيبها غير نص طيبة، متنخليهاش حتى تحمر، غير تشد راسها ونحيدها






كنديرو فبلاستيك غدائي، ثم الى المجمد

وفي الصباح طيبت الجهد اللي غادي نفطرو بيه، تيجي مورق وخفيف، كنتمنى تجربوه